கேரள மாநிலம் கொண்டோட்டி மாப்பிளா கலா அகாடமி மொக்ரால் கிளையின் சார்பாக மொக்ரால் பள்ளிக்கூடத்தில் சந்திப்பு நிகழ்ச்சிக்கு ஏற்பாடு செய்திருந்தனர். ஞாயிற்றுக்கிழமை திருமண நிகழ்வுகளும் பொது நிகழ்வுகளும் நிறைந்த நாள் என்ற போதிலும் தொலைவிலிருந்து வரும் எங்களுக்காக துரித ஏற்பாடொன்றைச் செய்திருந்தனர் மொக்ரால் வாசிகள்.
கேரள மாநிலம் காசர்கோடு மாவட்டம், மொக்ரால் இசல் கிராமம். 1. மாப்பிளா கலா அகாடமியின் மொக்ரால் பிரிவினருடன் ரிஹ்லா துளுநாடு பயணக்குழுவினர்.
1.கர்நாடக பியாரி சாஹித்ய அகாதமி தலைமையகம்,மங்களுரு 2.பியாரி மொழி,பண்பாட்டு அறிஞர் இஸ்மத் பஜீருடன் — உள்ளாள் நினைவிட வளாகம் 3.கர்நாடக பியாரி ஸாஹித்ய அகாதமியில் அதன் தலைவர் யூ.எச்.உமருடன் 4.குத்ரோலி ஜாமியா மஸ்ஜித், மங்களூரு
வரலாற்றுப் பேராசிரியர் ஹஸனால் இரண்டாம் நாள்தான் எங்களுடன் வந்திணைய முடிந்தது. அவர் வந்து சேர்ந்து குளியல் செயல்பாடுகளை முடித்தபின் தங்கியிருந்த விடுதியின் கணக்கை தீர்த்து விட்டு மங்களுருவிலுள்ள உள்ள கர்நாடக பியாரி சாஹித்ய அகாதமி அலுவலகத்திற்குச் சென்றோம். அதன் தலைவர் யு.எச்.உமர் ஆர்ப்பாட்டமும் அலட்டலுமில்லாத மனிதர். உமர் கல்வியாளரோ படைப்பாளியோ இல்லை. ஆனால் சமூகப்பணிகளிலுள்ள அக்கறையும் ஈடுபாடும் அவரை பியாரி வரலாற்றின் மறக்கவியலாத இடத்தில் கொண்டு போய் வைத்திருக்கிறது.
ரிஹ்லா துளுநாடு — ஹைதரலீ, திப்பு சுல்தான் ஆகியோர் எழுப்பிய கண்காணிப்புக் கோபுரம், சுல்தான் பத்தேரி , மங்களூரு. பட விவரம்: தொல்லியல் துறையின் அறிவிப்பு பலக,ஏணிப்படி,சுடும் துளைகள்,மேல்மாடம்,
முப்பது வருடங்களுக்கும் மேலாக வட கேரளத்துக்குத் தொடர்வண்டியில் பயணிக்க நேரும்போதெல்லாம் தவறாமல் கேட்டு வரும் ‘மங்களாபுரம்’ எனக் கேரளியர்களால் செல்லமாக அழைக்கப்படும் ‘மங்களூர்’ நகரம். கடைசியெழுத்தான ‘ர்’ ஐ உருட்டி இப்பொழுது ‘மங்களூரு’வாகவிருக்கும் மங்களூரை இரு முறைக் கடந்து போக நேரிட்டிருக்கிறதேத் தவிர இறங்கிக் காலாறும் வாய்ப்புக் கிடைத்தல்லை. மாப்பிளாப்பாட்டு, மஅபர் – மலபார் பற்றிய உரையாடல்கள் வரும்போதெல்லாம் நண்பரும் ஆய்வாளருமான மிடாலம் அன்சார் மங்களூருவைப்பற்றி சொல்லிக் கொண்டேயிருப்பார்.மலபாரின் வடக்கெல்லை …
